විශ්වාසය සහ ආදරණීය හැඟීම්..... Trust and feelings of love

ආදරය යනු තව කෙනෙකු කෙරෙහි තමන්ගේ හිත තුළ ඇතිවන විශේෂ සිතුවිල්ලකි. ඇය හෝ ඔහු කෙරෙහි අප නොදැනුවත්ව අපගේ හිත උනන්දු වේ. පළමුව ඔහු හා කෙසේ හෝ කතා කිරීමට උත්සාහ කරයි. ඒ සඳහා තම සිත තුළ අනුරූප වශයෙන් අදහස්, උදහස් උපකල්පනය කරයි. කෙසේ හෝ තම කැමැත්ත, ආදරය ඇය හෝ ඔහු වෙත ප්‍රකාශ කිරීම අපගේ අවශ්‍යතාව වේ. ඒ සඳහා වුවමනා වන ආධාරක වශයෙන් විවිධ ක්‍රම එකිනෙකා අනුගමනය කරයි. විටක තම අදහස් නොබියව ප්‍රකාශ කරයි.

නැතහොත් තම යහළුවෙකු මගින්, දුරකථන මගින් නැතහොත් ඇය/ඔහු නෙත ගැටේ නම් තමන් ඇය/ඔහු කෙරෙහි උනන්දු බව හැඟවීමෙන් තම හැසිරීම්වලින් තම අදහස්  ප්‍රකාශ කිරීමට වුවද පෙළඹේ. මේ අනුව පුද්ගලයා විවිධ අයුරින් තම ආදරය ප්‍රකාශ කරයි. අනෙක් පුද්ගලයා තුළද ඔහු/ඇය කෙරෙහි ආදරයක්  හැඟීමක් පවතී නම් ආදරය සපළ වේ.  

ඉන්පසු පටන් ගන්නේ ඒ හැඟුම්බර වූ සුන්දර ආදරයයි. ඔවුහු එකිනෙකා සමග තම අදහස් සන්නිවේදනය කර ගනිති. කෝල්, එස්.එම්.එස් මගින් ආදරය මේ අයුරින් ගලා යයි.

මාහට ඇති මෙම ප්‍රශ්නය සමහර විටෙක ඔබටද තිබිය හැකිය. එනම් ආදරය කිරීමේදී ස්ථිර බැඳීමකින් තොරව එනම් විවාහයකින් තොරව අසීමාන්තිකව තම ආශාවන් පිනවීමට, ලිංගිකත්වය කෙරෙහි නැඹුරු වීමට වෙසෙසින්ම කිවතොත් ඇතමුන් තම ආත්මගරුත්වය පවා අමතක කර කටයුතු කරන්නේ මන්ද යන්නය. සමහර විට ගැහැනු ළමයින් තම වටිනාකම පවා හඳුනානොගෙන හැසිරෙන අවස්ථා සමාජය තුළ අපට ඔබට මට දක්නට ලැබේ.

එසේ වනුයේ තම හැඟීම්වල පාලනයක් නොමැති බවද නැතහොත් ඔවුන් අතිෂය එකිනෙකා කෙරෙහි ඇති ආදරය, නැතහොත් ඔවුන් ඒ සඳහා ඇති කාමුක බවද යන්න ප්‍රශ්නයකි. නමුත් අප අපගේ සීමාවන් හඳුනාගැනීම කළ යුතුය. එවිට තම ආත්ම ගරුත්වයද, තම පවිත්‍රතාව වුවද ආරක්ෂා වනු ඇත.

තම ප්‍රේමවන්තයා ඉදිරියේ තමාගේ සීමාව ඉක්මවා තම හැඟීම් පාලනය කර නොගනී නම් සමාජය වුවද වැරැද්ද පවසනුයේ ගැහැනු ළමයාටය. එය ඔවුන්ට නොවැටුණද සත්‍ය සමාජයේ පිළිගැනීම එයයි.

තම හැඟීම් බෙදාගැනීම ඔහු ඔබට සත්‍ය වශයෙන්ම ආදරය නොකරයි නම් අප කොයිතරම් ඔහු ඉදිරියේ නිරුවත් වී අවසානද? ඔහුගේ ආශාවන් ඉෂ්ට කරගැනීමට නම් ඔහු උත්සාහ කරනුයේ ඔබගේ අනුබලය මත ඔහු ඔබව හොඳින් වටහා ගනී. ඉන් ඔහු ඔබේ දුර්වලතාව බවත්, ඔහු උපක්‍රමශීලීව ඔබව රැවටවීම උත්සාහ කරයි.

ඔබ ගැන වුවද හිතනුයේ පහත් අයුරිනි. කෙසේවත් විශ්වාස කළ නොහැකි කාන්තාවන් මෙන්ම පිරිමින්ද එසේය. ඕනෑම කෙනෙකුට වචනවලට ඕන තරම්  ආදරයක් පිරවිය හැකිය. එම වචනවලට පෙරළා ආදරය අප වුවද මහත් භක්තියකින් අප වෙත ළංකර ගනී. එය ඇත්තනම් ඒ ආදරය පිවිතුරු නම් එයයි උතුම් වූ වටිනාකම. නමුත් එය අසත්‍ය වචනම් තමන් ඔහුගේ ගොදුරක් බවට පත්ව ඇත්නම් ඔබ ඔහු ඉදිරියේ තම හැඟීම් පාලනයකින් තොරව ඔහු හා බෙදාගැනී නම් නොදැනුවත්ම ඔබ ඔහුගේ ගොදුරක් බවට පත්වී ඇත. ඔහුගේ සතුට ඔබගේ ශරීරය ස්පර්ශය පමණක් වන අතර ඔබ එක සිතින් ඔහු කෙරෙහි දක්වන ආදරයද ඔහු නොහඳුනන ගාණය. අප ඒ තරමට නොරැවටිය යුතුය. ගැහැනු ළමයෙකු යනු ආත්ම ගරුත්වය රැක නොගනී නම් ඇය කෙරෙන් රක්ෂා කරන්නා වූ දෙවියන් වුවද අද අමතක කර අවලංගු කාසියක් බවට පත්කරනු ඇත. එවැනි අවංලගු වූ කාසි කාන්තාවන් බොහෝමයක් අද වනවිට මෙම සමාජය තුළ ජීවත්වේ. එයට වැරුද්ද ආදරය කිරීම නොව විශ්වාස කිරීමයි.

විශ්වාසය යනු ඇත්තටම මහාම බොරුවක් බව මගේ විශ්වාසයයි. සමහර විට අප තව කෙනෙකු එක මොහොතකින් විශ්වාස කරන වගේ දෙයක් නම්,

“මම ඔයාට හුඟක් ආදරෙයි, මට ආසයි ඔයා  ළඟ ඔයාට හුස්ම වැටෙන තරම් ළංවෙලා  ඔයා ළඟට  වෙලා ඉන්න”

ඇත්තටම මෙසේ කියයි. මේ ආකායරට ප්‍රකාශ කරයි. එය විශ්වාස කොට තම ජීවිතය අද පිළුණු බත් පතක් බවට පත් කරගන්න ජීවිතය විඳවන දහසක් දෙනා ඇත. එසේ වූයේද විශ්වාසය මතය. පිරිමින්ට ගැහැනුන් යනු අවශ්‍යතාවන්ට වුවමනා සපුරන්නියන්ද? එසේ වීමට ඉඩ නොදිය යුතුය. මෙය හැමෝටම පොදු නැත. ප්‍රේමය යන සැලමුතු ප්‍රේමයෙන් ආදරය කරන්නවුන් මෙය අයිති නැත.

ලිව්වේ - සෙහානි

ප/ලි - ආගන්තුක ලියන්නියකි. දොස් තිබේ නම් පෙන්වා දෙන්න...