වත්මන්
සමාජය තුළ අද වනවිට වංචා, දූෂණ, අපචාර, මිනීමැරුම්,
මංකොල්ලකෑම්, ස්ත්‍රී දූෂණ යනාදී අපරාධ රැසක් අසන්නට
ලැබේ. එහිදී මෙම අපරාධ ස්ත්‍රී පුරුෂ භේදයකින්, වයස් සීමාවකින්
තොරව සිදුකරනු ලබයි.
එදිනෙදා
පුද්ගලයා තුළ ජීවත්වීමේදී අරගලයට මුහුණදීමට නොහැකිව ඔවුහු මංකොල්ලකෑම්, මුදලට මිනිසුන් මැරීම පවා සිදුකරති. මෙයට ප්‍රධානතම හේතුව ලෙස රට තුළ
ආර්ථිකයෙහි ඇති දුර්වලතාව ප්‍රමුඛ වේ. එහිදී සෑම පුද්ගලයෙකුටම රැකියාවක් අද වනවිට
අප රට තුළ නිර්මාණය වී නැත. සමාජය තුළ පුද්ගලයා වැරදිකාරයෙකු ලෙස බිහි වීමට හේතු රාශියක් බලපායි. විටෙක දරුවා පවුල තුළ ලබන වටපිටාව, එහිදී පියාගේ හැසිරීම, ඔවුන්ගේ රැකියාව යන බොහොමයකි.
එමෙන්ම තමන් ජීවත් වන සමාජ වටපිටාව තුළ
වැරදිකාරයෙකු ලෙස බිහිවීමට ප්‍රධාන හේතු ලෙස පෙන්වා දිය හැකිය.
එමෙන්ම
මව විදේශගත වීම, පියාගේ අධික
මත්ලෝලී බවද මේ සඳහා බෙහෙවින් බලපානු ලැබේ. යහපත් පරිසරයක්
නිවස තුළ පිහිටියද යාළු මිත්‍රයන් මත මත්ද්‍රව්‍ය භාවිතය, සොරකම් කිරීම්, විවිධ කෝලහෝලවලට පැටලීම් ආදිය වුවද මගින් පුද්ගලයා
සමාජයට වරදිකාරයෙකු ලෙස බිහිවීමට බලපාන අනිකුත් කාරණා ලෙසද පෙන්වා දිය හැකිය.
